КЫК ПЫВСЬӦДЧЫСЬ МУЖИК

Пывсьӧдӧмӧн «лечитӧны» челядьӧс. Босьтӧны калым

Волся вӧлӧсьтын, Сыктыв уездын, эм кык пывсьӧдчысь мужик. Найӧ «лечитӧны» висьысь кагаясӧс пывсьӧдӧмӧн. Пывсьӧдігас лыддьӧны молитва, тшӧктӧны кагалы бурдны. Бурдас кӧ кагаыд, нывбабаяс пывсьӧдчысь мужикъясыдлы вайӧны калым (нянь, вый, кольк), кулӧ кӧ, видыштасны сӧмын кык мужиктӧ. Сэки асьныс мужикъясыд шуӧны — молитваыд пӧ эз тырмы, эз артмы.

Шуасьӧны — кагаястӧ пӧ «лечитӧны» калым серти: кымын уна ваян, сымын зільджыка «лечитасны». Пемыд йӧзыд сэсся мӧда-мӧд вежмӧн сеталӧны пывсьӧдчысь мужикъясыдлы калымтӧ.

Кад нин йӧзлы дугдыны кывзыны ылӧдчӧмъяссӧ пывсьӧдчысьяслысь, кад нин дугдыны кагаясӧс мучитӧмысь. Кад нин тшӧтш эновтны татшӧм некытчӧ туйтӧм бурдӧдчысьястӧ.

Йӧла.