ГӦЛИНИК КООПЕРАТИВ УДЖАЛӦ БУРА

Колӧ унджык крестьянаӧс ӧтувтны

Важкуаса кооператив (Кулӧмдін уездын) аслас сьӧм вылӧ стрӧитӧма лавка. Став вӧчӧмыс (вузавны пыртӧдз) сувтӧма сюрс шайт гӧгӧр. Правленньӧыслы уджавны торйӧдӧма лавкаас жӧ ичӧтик вежӧс.

Ыджыд удж вӧчӧма Важкуаса гӧлиник кооператив.

Сӧмын крестьянасӧ этшаӧс на вермӧма ӧтувтны кооперативас. Йӧзыс шуӧны: гӧльӧсь пӧ ми да, огӧ вермӧ пырныс сэтчӧ.

Правленньӧлы колӧ ёнджыка босьтчыны тайӧ уджас. Колӧ частӧджык скодъяс вылын крестьяналы висьтавлыны: мый вӧчӧма бурторсӧ, мый колӧ водзӧ вӧчны, мед унджык вайны тӧвар, мый вӧсна колӧ крестьяналы ӧтувтчыны кооперацияӧ, кооператив да частнӧй (торъя) тӧргуйтысь йылысь, кутшӧм бурторъяс позьӧ вӧчны крестьянинлы кооператив пыр да мукӧдтор овмӧс кыпӧдӧм йылысь.

Крестьянинлы быдтор колӧ тӧдны. Оз гӧль вӧсна сійӧ бокӧ кольччы, тӧдтӧм вӧснаыс. Крестьянин оз вермы овны кооперативӧ шленӧн пыртӧг, тӧдӧ кӧ, кутшӧм бур вермӧ сетны кооперативыд сылы ассьыс овмӧссӧ кыпӧдны.

Г. И. Жысь.