АСНАУКӦН ВЫЛЬ МЕСТАЯСӦ ОВМӦДЧЫНЫ ОЗ ПОЗЬ

МӦСКУА. Видз-му удж нуӧдан Комиссариат (Наркомзем) тшӧктӧ бурджыка видзӧдны меставывса власьтлы, медым эз вӧв крестьяна пӧвстысь аснаукӧн выль местаӧ овмӧдчыны мунысьяс. Сибырын чукӧрмӧма 40.000 (нелямын сюрс) морт, местатӧмӧсь ставныс. Выльлаӧ мунігӧн крестьяна вузавлӧны став овмӧснысӧ, бӧрсӧ локны некытчӧ сэсся. Уна на эськӧ эм прӧст местаыс (муыс), кытчӧ позьӧ овмӧдчыны, да лӧсьӧдтӧм на. Колӧ тӧдны: став уджыс тайӧ вӧчсьӧ водзвыв лӧсьӧдӧмӧн (план серти), сытӧг лоӧ сӧмын ӧти рӧзӧра крестьяналы. Сельсӧветъяссянь да волисполкомъяссянь оз ков сетавны аснаукӧн выль местаӧ мунысьяслы, тшӧтш муяс видлавны мӧдӧдчысьяслы билетъяс-паспортъяс. Сійӧ правасӧ сетны толькӧ губерняувса (обласьтувса) видз-му удж нуӧдан управленньӧяслы, найӧ уполномоченнӧйяслы да уездувса видз-му управленньӧяслы.