КЫК НОГСА ГӦТРАСЬӦМ

Озыр нывкӧд — вичкоын. Гӧль нывкӧд — исполкомын

ВАЖКУАЫН (Кулӧмдін уездын) неважӧн вӧлі кык «свадьба».

Гӧтрасьысь комсомолеч — Мишарин Степан. Босьтіс важ тӧргуйтысь крестьянинлысь нывсӧ. Венчайтчисны вичкоын — «чесьт честью»... Ачыс ӧд Мишариныс ещӧ, буракӧ, партияӧ кӧсйӧ пырны, ӧдвакӧ нин кандидатын эз вӧв.

Мӧд комсомолеч — Мишарин Ӧльӧксан (воддзасьыс томджык) вайис гӧлиник дӧвалысь нывсӧ. Ветлісны исполкомӧ (ЗАГС-ӧ) гижсьыны. Сы бӧрын тьӧща ордас ичӧтика гӧститыштісны. Ӧльӧксаныд сэні шуӧма: сэсся пӧ свадьба помасис — поп дінӧ пӧ огӧ нин мунӧ.

Кодыс бурджыка вӧчис? Дерт, бӧръяыс: томджык, да вежӧртӧджык.

Г. И. Жысь.