КРЕСТЬЯНАСА ИНТЕРНАЦИОНАЛЛӦН ШЫАСЬӦМ

Сувтны став крестьяналы ӧтвылысь, медым выль война эз ло

МӦСКУА. Ставмувывса война пансьӧмлы (1914 воын) дас ӧтик во тыран лунӧ Крестьянаса Интернационал лэдзис воззванньӧ ставмувывса крестьяналы. Сэні шуӧма: озыръяс тэрмасьӧмӧн лӧсьӧдчӧны выль война лэптыны. Война вермас лоны нинӧм виччысьтӧг, тӧдлытӧг, кыдзи вӧлі 1914 воын. Крестьянаса Интернационал корӧ ставмувывса крестьянаӧс: быд деревняын вӧчавны собранньӧяс, демонстрацияяс, быд ногӧн паныд сувтны (протестуйтны), торкны озыръясӧс, медым найӧ эз вермыны выль война кыпӧдны. Крестьяналы тайӧ уджсӧ колӧ вӧчны рабочӧйяскӧд ӧтвылысь.