СКАРЛАТИНА ВИСЬӦМ ВЕТЛӦ

Грива вӧлӧсьтын (Сыктыв уезд) зэв ёна паськавны кутіс скарлатина висьӧм. Уна посни челядь нин кулісны, висьмалӧны и гырысь йӧз. Некутшӧм удж на абу примитӧма висьӧмсӧ дугӧдӧм йылысь, Исполком, тыдалӧ, оз и думышт нинӧм сы йылысь. Йӧз ветлӧдлӧны висьысьяс ордті, сэсся пыр на кулӧм йӧзтӧ сьылӧдӧны вичкоын. Скарлатина висьӧм зэв вуджысь. Пельшӧр ни доктор оз и волывлыны. Койгортын эм больнича, докторыс Куратова, зэв дыш; корасны да, сэк на ещӧ оз лок. Исполкомлы да докторъяслы колӧ ёнджыка тӧждысьны татшӧм висьӧмъяс йылысь, колӧ кутшӧмкӧ мера босьтны, медым эськӧ эз паськав висьӧмыс.

Ном.