КУРОРТЪЯС КРЕСТЬЯНАЛЫ

Менӧ Обсобес ыстыліс лечитчыны курортӧ Кавказӧдз. Зэв бура сэн миянӧс видзисны, бур здоровйӧ сетісны. Водзын курортад ветлывлісны сӧмын озыр йӧз госсӧ сывдны, крестьяналы туй эз вӧв. Ӧні сӧвет власьтыд пондіс сӧмын уджалысьӧс мӧдӧдны. Курортас миян дорӧ воліс Народнӧй Комиссар Семашко ёрт да первой юаліс: «Эм-ӧ абу-ӧ сиктъясысь крестьяна?» Сэсся миянлысь пондіс юасьны, кутшӧма видзӧны миянӧс, бура-ӧ вердӧны, кутшӧм кажитчӧ олӧмыс, да висьталіс, крестьянаӧс курортын лечитны пӧ лэдзӧма кык миллион шайт сьӧм. Мӧд во пӧ сыысь уна сетасны.

Лоймаысь Иевлев Степан.