ВОСЬТІМ ЧЕЛЯДЬ ЯСЛИ

Айкатылаын (Емдін уездын) восьтім челядь ясли. Сьӧмсӧ та вылӧ чукӧртлім 300 шайт саяс: 100 шайт сетіс кооператив, мукӧдсӧ сетіс Емдінса Уженотдел. Челядьӧс яслиӧ ваявлӧны куим сиктсянь: Айкатылаысь, ичӧт Айкатылаысь да Шожымысь. Яслисӧ лӧсьӧдім комын морт вылӧ, вайлывлӧны 20−25 челядьӧс. Челядьлы зэв долыд яслиын, шуӧны: ті пӧ тай миянӧс зэв бура верданныд, гортын пӧ весиг татшӧм чӧскыдасӧ огӧ сёйлӧй. Ыліджык сиктса челядьӧс яслиас и узьтӧдӧны. Тайӧ яслисӧ восьтыны медъёна зілисны делегаткаяс; ыджыд бур вӧчисны делегаткаяс нывбабаяс-мамъяслы.

Дел-а.