ОТСАЛІМ ГӦРДАРМЕЕЧ СЕМЬЯЛЫ

Вӧлі собранньӧ

Айкатылаын (Емдін уездын) юль тӧлысьын 26-ӧд лунӧ Коммунист ячейкаысь шленъясыс да кандидатъясыс, комсомолечьяс, беспартийнӧйяс — ставыс 14 морт ветлісны чукӧрӧн ытшкыны гӧрдармееч семья видзьяс вылӧ. Ытшкисны вит час кымынӧн куим видз — додь квайт-сизим кымын. Сэсся ветлісны куртны сійӧ видзьяссӧ 7 морт.

Ытшкан лунас рытнас Шожымын Коммунист ячейка вӧчліс собранньӧ. Сёрнитісны сэні вый вӧчан тӧварищество удж йылысь. Сэсся босьтісны партияӧ кандидатӧн кык гӧль крестьянинӧс. Сёрнитісны тшӧтш мукӧдтор йылысь. Собранньӧ вылын вӧліны тшӧтш беспартийнӧйяс морт 17 кымын.

Айка.