КИТАЙСА БУРЖУЙЯС ВУЗАЛӦНЫ КИТАЙСА РАБОЧӦЙЯСӦС

Зільӧны артмӧдчыны мукӧд государствоса йӧзкӧд

Пекин. Китайса буржуйяс бара заводитісны сёрнитны мукӧд государствоса йӧзкӧд. Шанхай карса озыр йӧзлӧн газет «Сивербао» гижӧ: китайса тӧргуйтысь юралысьяслӧн (торговая палата) мукӧд государствокӧд вӧлӧма сёрни рабочӧйяслысь забастовка дугӧдӧм понда. Китайса юралысьяс бастуйтысь рабочӧйяслы тшӧктӧны мынтыны коймӧд пайсӧ сӧмын тыр уджалӧм доныслысь да тшӧктӧны регыдджык заводитны сёрнитны сы йылысь рабочӧйяскӧд. Тайӧс кӧ мукӧд государствоса озыр йӧз кӧсйысясны вӧчны, китайса юралысьяс рабочӧйясӧс бастуйтӧмысь кӧсйысьӧны ӧлӧдны. Англияса юралысьяс видӧны китайса юралысь йӧзӧс забастовка вӧчӧмысь да рабочӧйяслы отсалӧмысь. Йӧз пиын мунӧ сёрни, быттьӧ пӧ китайса озыр йӧз мукӧд государствосакӧд вермасны артмӧдчыны.