СЁСЬКАЫН

(Сыктыв уездын)

Волисполком

омӧля зільӧ сувтӧдны удж секцияясын. Коркӧ тӧвнас на шулісны: колӧ пӧ лӧсьӧдны исполком бердӧ куим секция: видз-му вӧдитӧм йылысь, кооператив йылысь да йӧзӧс югдӧдан йылысь. Бӧрйылісны сэтчӧ йӧзӧс, индылісны быд секцияӧ юралысьӧс. Сӧмын та вылӧ и сувтіс уджыс секцияяслӧн. Некутшӧм чукӧртчылӧм на секцияяслӧн эз вӧв. Колӧ садьмӧдны секцияяссӧ.

Кооперативъяс

миян вӧлӧсьтын кык: потребительскӧй дай прӧмыс кооператив. Кооперативъяс зэв оз лэптыны мӧда-мӧднысӧ. Колӧ налы ӧтувджык уджавны да овны.

Челядь ясли.

Юльын 13-ӧд лунӧ воссис челядь ясли. Сэні уджалӧны нёль морт. Медводдза луннас вайлӧмаӧсь вит кага, мӧд да коймӧд лунъясас сизим кагаӧн. Тайӧ лунъясас вӧлі зэрӧ. Чайтӧны — мича лунъясӧ пӧ яслиӧ кутасны вайлыны 20 челядьӧдз.

Парма.