ВОЙДӦР ГӦСЬТЪЯСӦС, СЭССЯ АСЬНЫСӦ...

Айкатыласа Епо юль витӧд лунӧ чукӧртліс шленъяссӧ ставмувывса кооперация лун кузя да вӧчліс собранньӧ. Собранньӧ бӧрад вӧлі спектак, а помас шленъясӧс гӧститӧдісны артмытӧм няньӧн да плиточнӧй тшайӧн юкталісны. Пӧжавлӧмаӧсь няньсӧ кык пуд да джын пызьысь, а сьӧмсӧ правленньӧыслӧн сы вылӧ вӧлӧм пуктӧма 60 шайт. Ӧткымын шленъяс шуӧмаӧсь налы мыйкӧ сы йылысь, да правленньӧса шленыс Миколка Костюк найӧс вӧтлӧма.

Став бӧртиыс сэсся асьныс кольӧмаӧсь да лӧсьыда войбыд гӧститӧмаӧсь Епо тшӧт вылад быдпӧлӧс чӧскыдторнас да винаяснас.

Бур кӧзяиныд ӧд пыр сідзи вӧчӧ: войдӧр йӧзсӧ гӧститӧдас, сэсся бӧрыннас нин ачыс.

Гӧсьт.