ТШЫКӦДӦМА ВИДЗ-МУ

Вашка вӧлӧсьт гӧгӧр (Емдін у.) муніс вывті ён зэр. Ваыс туис аршын кык кымын. Ойдлан видзьяс ставыс ва улӧ пырис. Тулысын ыджыд ваӧн ойдлытӧм видзьяс дажӧ ва улӧ пыралісны. Видзьяс вылысь турун зэв ёна тшыки: пӧрӧдіс муас, тыртіс няйтӧн, лыаӧн да сідз водзӧ. Видзьяссӧ видлавны ветлісны да шуӧны, крестьяна пӧ таво дзик турунтӧг кольӧны; тшыкӧма пӧ туруныс прӧчент 60 кымын. Сэсся зэрнас тшыкӧдіс зэв уна градвывса пуктасъяс дай ойдлісны уна муяс, поводнӧя жӧ тшыкӧдаліс, сӧмын лючки тӧдмавтӧм на тшыкӧмыслысь прӧчент лыдсӧ, ваыс сулалӧ на вӧлі да.

Волкор.