ГЕРМАНИЯСА РАБОЧӦЙЯС МИЯН ДОР

Мӧскуа. Мӧскуаысь локтысь германияса делегациялы паныд вокзал вылӧ петісны уна сюрс йӧз, мӧскуаса пабрикъясысь да профсоюзъясысь делегацияяс. Воӧм бӧртиыс вокзал вылас вӧчисны митинг. Митинг вылас Крупп заводса рабочӧйяссянь представительыс Офенгаген шуис: Сӧвет Россияысь ми аддзим ӧні ас синмӧн олӧмсӧ. Германияса делегация висьталас став аддзылӧмсӧ германияса рабочӧйяслы. Ӧні германияса рабочӧйяс кыдз-мый вермасны зільны кутасны торкны капиталистъяслы СССР-лы лёк удж вӧчӧмысь, сылы паныд мунӧмысь; германияса рабочӧйяс асьныс ёнджыка кутасны водзсасьны капиталистъяскӧд асьнысӧ мездӧм кузя.