НЬӦЖМЫД СУДДЯ

Ӧти Шожымса Айкатыла вӧл. (Емдін у.) ныв Максьӧ Паш Ольга сетліс судӧ кагасӧ быдтыны батьыслысь сьӧм перйӧм кузя ноябр тӧлысьын Емдінса нарсудӧ волисполком пыр. Регыд нин во лоӧ гижӧдсӧ сетӧмыслы, а сійӧ кӧнкӧ век на куйлӧ, судыд эз на вӧв. Нылыд ветлас исполкомад, да сылы пыр шуӧны, ыстӧма пӧ нин важӧн нарсудӧ. Кагаыслысь батьсӧ регыд эськӧ босьтасны Гӧрд армияӧ, да гортсаыс олӧны шӧркоддьӧма, вермасны мынтыныс кагасӧ быдтыныс. Нылыс батьтӧм, зэв гӧля олӧ.

Позьӧ ӧмӧй нюжӧдны тадзи татшӧм делӧяс? Кытчӧ нӧ воштісны нылыслысь гижӧдсӧ.