ВАЙӦЙ ПЕЛЬШӦРӦС

Чупров вӧлӧсьт (Емдін у. Удораын) пельшӧрскӧй пунктсянь нелямын верст сайын, а мукӧд сиктъясыс ещӧ сыысь на ылынӧсь. Пельшӧр во пиас сэтчӧ волывлӧ ӧтчыд либӧ кыкысь, унджыкысьсӧ ветлыныс сьӧмыс абу. Крестьяналы сы вӧсна лоӧ пыр шыасьны быдпӧлӧс знакаръяс, тӧдысьяс дінӧ. Найӧ лечитӧны ва вылӧ вашкӧдӧмӧн да мыйӧн да. Донсӧ босьтӧны зэв ыджыдӧс. Крестьяна зэв пемыдӧсь, нинӧм оз гӧгӧрвоны.

Колӧ кыдзкӧ отсавны петны крестьяналы тайӧ пемыдінысь, ыстыны пельшӧрӧс.

Полещиков.