ВОСЬТІСНЫ ЧЕЛЯДЬ ВИДЗАНІН

Ичӧт Айкатыласа, Айкатыласа да Шожымса (Емдін уезд.) делегаткаяс тӧвсяньыс нин асланыс собранньӧяс вылын сёрнитлывлісны челядь видзанін восьтӧм йылысь. Ӧні гожӧм кежлӧ найӧ восьтісны сійӧс.

Восьтӧм вылӧ 100 шайт сьӧм сетіс айкатыласа кооператив. Паныд мунысьяс эськӧ вӧліны жӧ, да делегаткаясыд вӧліны ставныс кооперативад шленынӧсь (51 нывбаба кооперативас шленын) да собранньӧ вылад кыдзкӧ венісны. Уджсӧ нуӧдны бӧрйылісны торъя комиссия. Комиссияас тшӧтш сюрлі волисполкомса юралысь Калимов. Юль 15-ӧд лунӧ вӧлі ясли восьтан лун. Калимовтӧ эськӧ корлісны жӧ, да сійӧ ыстысис мукӧд уджъяс вылӧ: некор пӧ меным баба уджӧн ноксьыны, а ачыс пара вӧлӧн муніс сур праздник вылӧ.

Тадзи ӧмӧй колӧ уджавны сиктса уджалысьлы.

Дел-а.