ПОЛЬШАСА КРЕСТЬЯНА КОРӦНЫ ПОМЕЩИКЪЯСЛЫСЬ МУНЫСӦ

ВАРШАВА. Польшаын кӧсйӧны лэдзны видз-му йылысь выль закон. Сійӧ закон йывсьыс польшаса сейм вылын сёрнитігӧн крестьяна дор мунысь йӧзсянь висьталіс депутат Тарашкевич. Сійӧ шуис, тайӧ закон сӧмын бур вайӧ кулакъяслы. Помещикъяс ордын пӧ кольӧ став муыс, найӧ пӧ важ ног жӧ кутасны нартитчыны гӧль крестьяна вылын. Тарашкевич тшӧктӧ став помещикъяслысь, манастыръяслысь да государствоыслысь муяссӧ дон босьттӧг сетны крестьяналы. Сеймыс Тарашкевичлысь шуӧмъяссӧ пыдди эз пукты. Сэсся крестьяна дор мунысь депутатъяс лэптісны зэв ыджыд зык, кутісны шутьлявны, кокъяснас зымӧдны, да председательыслы лои сеймыслысь заседанньӧсӧ тупкыны. Куим час мысти заседанньӧыс бара воссис, да сэні лӧсьӧдісны видз-му выль закон йылысь гӧлӧсуйтны коркӧ мӧдысь.