ГАЛЬКИЁна ӧбӧдитчӧ гальки... Гидын гатшасьӧмаӧсь бальки,^ыжъяс/^ Нёльӧд керйӧ лэпталӧмаӧсь кок, Да песӧны шог... Мунӧмаӧсь карӧд, москияс кузя, Полігтырйи нин, сюся, Да башмакъясныс ставныслӧн розь, Весиг тувччыны оз позь. Сідз жӧ порсь миян полӧ, Некытчӧ оз петав, гидын и олӧ; Чипанъяслӧн чегъясьӧма ныр; Петукъяслӧн кокъясыс вир... Кӧзаяс туй выв оз нин лойны, Додьясысь дугдісны сёйны, Да карсьыс ставыс, гашкӧ, куимсё душ, Уськӧдчисны йӧръясӧ куш. Мӧсъяслӧн киссялӧма бӧр кок нырыс — Яйыс и лыыс тыдалӧ пырыс. Вӧвъяслӧн пыктӧма кокъяс, Лядьвеяс лэдзӧма лёкъяс, Мукӧдлӧн потласьӧма гыж... Ыджыд и галькилӧн мыж. _____ Яткаын кӧмкот вӧчӧны зіля — Кустаръяс вурӧны важӧс и выльӧс... Ставыс мунӧ. Омӧль кӧть бур — Босьтан, он дур... Баржаӧн тӧлысь вайӧны татчӧ... Кытчӧкӧ ставыс ӧд регыдӧн гартчӧ... Новлан кӧ вежон, бара нин веж — Галькиыд кисьтас сандали бӧж. Спекулянтъяслы зэв любӧ — Быд гозйысь барыш локтӧ рубӧн; Вузалісны пыр мунан моз Зэв нин уна гоз. Горполӧн сідз жӧ мунӧ, Местхоз вайлӧма уна, Да-й «Инвалид» — Тшӧт ни лыд. _____ Сапӧгӧс менсьым гальки жӧ сёйис — Кольӧма шойыс... Пӧръясьны ог кут, висьтала збыль: Вӧлі дзик выль... Кык гоз сандали кисьті — Кыкнаныс письті... Видзи сы вылӧ квайт Либӧ сизим шайт. Новла нин башмак, ӧстатки кӧмӧс, Да-й сійӧ нин корӧ дӧмас. Дырджык кӧ тӧлыс оз лок, Уна на жугавлас кок... Гӧтырӧй дугдывтӧг видӧ: «Йӧрта пӧ тэнӧ тшӧтш гидӧ... Кытчӧдз москияс вылысь гальки оз быр, Сэтчӧдз и видза... Регыд кӧть дыр!» Талун шогысла юи нин «русскӧй горкӧй» Да тайӧс гижи. — Максим Зоркӧй.
