ЧУКӦСТЧӦМ ГӦРД ПРОФСОЮЗ ИНТЕРНАЦИОНАЛЛӦН СТАВ МУВЫВСА УДЖАЛЫСЬ ЙӦЗ ДІНӦ

Войдӧр Профсоюз Интернационал бердӧ ӧтувтчылісны революция дор мунысь йӧз ӧткымын государствоысь. Ӧні Профсоюз Интернационал ӧтувтӧ ас гӧгӧрыс став профсоюзсӧ СССР-ысь, Китайысь, Грецияысь, Персияысь, Египетысь, Болгарияысь, Эстонияысь да Финляндияысь. Сэсся Профсоюз Интернационалӧ ӧтувтчӧма джын рабочӧйыс Францияысь, Чехословакияысь, Румынияысь, Югославияысь, Японияысь, Арменияысь^?/^; пырӧны Профсоюз Интернационалӧ зэв уна рабочӧй Германияысь, Англияысь, Италияысь, Соединённӧй Штатъясысь, Польшаысь, Швецияысь, Норвегияысь, Швейцарияысь, Испанияысь да мукӧдлаысь. Медъёна нин Профсоюз Интернационал бердӧ ӧтувтчӧны капиталистъяс киподув муясысь рабочӧйяс (Египетысь, Китайысь, мукӧдлаысь).

Профсоюзъяслӧн Гӧрд Интернационал капиталистъяскӧд водзсасьӧм вылӧ да рабочӧйясӧс вынмӧдӧм вылӧ зільӧ ӧтувтны став му вывсьыс профсоюзсӧ ӧтлаӧ. Та йылысь Профсоюз Интернационал висьтавліс нин ставмувывса рабочӧйяслы, шуліс налы чукӧртлыны конференция да сёрнитны сэн профсоюзъясӧн ӧтвылысь уджалӧм йылысь. Профсоюз Интернационал водзвыв шуӧ — унджыкыс конференция вылын шуасны ӧтвылысь уджавны.

Профсоюз Интернационаллы паныд мунысь йӧз шуӧны: тадзинад пӧ Мӧскуаыд миянӧс ылӧдлас, огӧ пӧ лэдзӧй чукӧртчыны некутшӧм конференциялы.

Зэв нин уна вӧчӧма ставмувывса революция дор мунысь профсоюзъяслӧн тайӧ бӧръя вит вонас. Сӧмын ещӧ на уна удж колӧ вӧчны водзын. Колӧ ӧтувтны уна миллион рабочӧйясӧс ӧтлаӧ, велӧдны найӧс революция дор мунны, революция вӧчны.

Став выннымӧс, ёртъяс, пуктамӧ став профсоюзъяссӧ ӧтувтӧм вылӧ, революция дор мунӧм вылӧ, капиталистъяскӧд воча ӧтвылысь водзсасьӧм вылӧ, революция вӧчны лӧсьӧдчӧм вылӧ.