МОЛИТІСНЫ ЭСЬКӦ ДА, ЭЗ ТАЙ ЗЭРМЫ!

Асьныс уджалісны — лои туй

Юнь 29-ӧд лунӧ Сюзяыбын Висер вӧлӧсьтын енъясӧн ветлісны муяс вывті да пӧскӧтинаӧд. «Безбожник» кружок сэк кості петіс удж вылӧ — туй вӧчны. Зэв няйт улич вӧлі да, ставсӧ потшкӧн посйисны, канавасӧ бура лӧсьӧдісны. Йӧзыс вӧлі сералӧны на вылын.

Рытнас выль туй вывтіыд ветлігӧн мужикъяс шуалӧны: тайӧ пӧ тай уджалӧмыд бурджык вӧлӧма. Новлім, новлім енъястӧ-а, эз и зэрмы.

Н. Габов.