ВЕНИБЫН

Койгорт вӧлӧсьтын Сыктыв уездын эм неыджыд сикт — Вениб. Ставыс сэні кызь кӧкъямыс керка. Эмӧсь Венибын бурторъяс, эмӧсь и шогъяс.

Бурыс — эм комсомол ячейка ӧкмыс мортысь. Шань йӧз быдмӧны. Удж нуӧдӧны ас костаныс, велӧдчӧны, уджалӧны том йӧз костын, нывбаба костын. Ячейкаас вӧчӧмаӧсь пельӧсъяс — «Безбожник» да «Мопр».

Сэсся бара жӧ крестьянаыс ёна кывзӧны агрономлысь висьталӧм видз-му уджалӧм йылысь. Шогыс Венибын — школа абу. Ёна крестьяналы колӧ школаыд, ёна виччысьӧны школа восьтӧм.

Мӧд шог — волисполкомлӧн уджыс. Таво туй вӧчтӧдз эз весиг чукӧртлы крестьянаӧс собранньӧ вылӧ, ыстӧма юӧр — собранньӧ шуӧм серти пӧ петӧй туй вӧчны.

Венибса шуисны: эгӧ пӧ вӧлӧй собранньӧ вылад да, огӧ пӧ туйтӧ вӧчӧй, мед пӧ водзӧ кежлӧ волисполком тадзи оз вӧч.

Селькор.