МИЯН АЭРОПЛАНЪЯС ВОИСНЫ ПЕКИНӦ

Сӧвет государствоын вӧчӧм аэропланъяс медбурӧсь

Пекин. Мӧскуасянь Китайӧ лэбзьысь аэропланъяс ставныс воисны Пекинӧ. Паныд налы петісны вывті уна йӧз. На пиын СССР-са посол Китайын Карахан ёрт. Муас лэччӧм бӧрын лэбысьяссӧ тыртісны чветъясӧн. Став аэропланъяссӧ тупкисны гӧрд флагъясӧн. Пекинсянь аэропланъяс вылын лэбысьяссянь воис телеграмма. Телеграммаас гижӧны: Мӧскуасянь Пекинӧдз лэбзим 52 час (куш лэбзьӧмыс, пуксьылӧмъяссӧ лыддьытӧг). Медбура пӧ мунісны Сӧвет государствоын вӧчӧм аэропланъяс. Став аэроплан вылын лэбысьясыс ыстӧны чолӧмбыттьӧ СССР-лы.