ЛӦСЬӦДІСНЫ ПӦЖАРНӦЙ ДРУЖИНА

Гриваын (Сыктыв уездын) колян тӧлысяс лӧсьӧдісны пӧжарнӧй дружина. Дружинаас шленъясӧн пырисны комсомолечьяс да беспартийнӧй том йӧз. Ӧні пӧжарнӧй дружина велӧдчӧ, кыдзи колӧ кусӧдчыны пӧжаръяс вылын. Сэсся дружинаса шленъясыс ветлӧдлӧны сиктъясӧд да видлалӧны пач трубаяс, тшӧктӧны срубъяс дінысь весавны ёгъяс, турун да идзас. Мукӧд пӧжарнӧй дружинаяс, Гриваын моз жӧ босьтчӧй уджавны. Гожӧмын ӧд медколантор удж нуӧдны, гожӧмын медрегыд вермас лоны пӧжарыд.

Привда Вась.