НЯНЬ НЬӦБНЫ ОЗ ВЕРМЫНЫ

Обсоюз кӧ оз уджӧн сет, дзик пикӧ воасны

Висерын (Кулӧмдін уездын) юнь 21-ӧд лунӧ муніс погода, уси шер да жугӧдіс кӧдзаяс десятина 6 кымын. Сійӧ лунсянь сэсся зэр эз на вӧв. Вынтӧмджык муяс вылын ид кӧдзаяс дзикӧдз вижӧдісны; дырджык кӧ зэр оз ло, дзикӧдз ставыс косьмас.

Крестьяналӧн няньыс бырӧма, босьтны нинӧм вылӧ. Кер лэдзӧм да пуръясьӧм помысь донтӧм нажӧтка вӧснаыс няньныс вылӧ гожӧмбыд кежлӧ босьтны эз вермыны. Нянь эськӧ уна паракодӧн вайисны, да сьӧмтӧгыд этша босьтан. Ӧні Обсоюзлысь корисны уджӧн сетны магазеяысь 780 пуд нянь во джын кежлӧ. Оз кӧ Обсоюзыд сет, йӧзыд пикӧ воасны.

Ас морт.