ГРЫЖА ВИСЬӦМЫСЬ ПӦ ОН БУРД — ШУЛІСНЫ ВОЙДӦР

Ӧні казялісны асьныс — бурдны позьӧ

Войдӧр вӧлі Кулӧмдінса йӧз шуӧны: грыжа висьӧмтӧ пӧ сетӧ ен грекъяс вӧсна, некод пӧ сійӧ висьӧмысь оз вермы бурдӧдчыны.

Неважӧн на уна морт лэччылісны Сыктывдінкарӧ, больничаӧ грыжасьыд бурдӧдчӧм вылӧ, ӧні найӧ локталісны да быдӧн ошйысьӧны, зэв пӧ кокньыда да регыдӧн бурдӧдӧны. Сыктывдінкарад пӧ тай и вӧлӧма «енмыд». Ӧні сёрниталӧны ӧткымынӧн: колі пӧ Кулӧмдінӧ аслыным судзӧдны докторсӧ да лечитан кӧлуйсӧ, кӧть пӧ мый сувтас сэсся. Местнӧй бюджет вылын, гашкӧ, кыдзкӧ вермам кутны. Попыдлы пӧ тай гу вылӧ кайлӧмысь мӧсъясӧн сетавлам. Сӧмын бурыс нинӧм эз лолы-а.

Кулӧмдінса йӧзлӧн синъясыс кутіс воссьыны.

Чавкан.