АЭРОПЛАНЪЯС ЛЭБЗИСНЫ ПЕКИНӦ НИН

Лайотанын пуксян места абу вӧлӧм лӧсьӧдӧмаӧсь

Пекин. Мӧскуасянь Пекинӧ лэбзьысь аэропланъяс петісны Удэысь юль 9-ӧд лунӧ. Сійӧ лунас жӧ аэропланъясыс воисны китайса карӧ Лайотанӧ. Лайотансяньыс ещӧ 180 километр Пекинӧдзыс. Лайотанас лэччыны аэропланъясыслы местасӧ ньӧти абу вӧлӧм лӧсьӧдӧмаӧсь дай сы йылысь абу висьтавлӧмаӧсь. Сы вӧсна пуксигас «Правда» нима аэропланлӧн чеги шуйга кӧлесаыс, торксьыштісны ӧти бордйыс да бӧжыс забор вылӧ веськавлӧмла. Лайотансянь Пекинӧ аэропланъяс лэбзисны юль 13-ӧд лунӧ.