КЫК МОЩИ

Вӧрын, гуын оліс-кевмис Даръя пӧч — 
И крыса тшӧтш.
Мувыв гажсӧ пӧчӧ юрас эз нин видз — 
И крыса сідз.
Даръя пӧчӧ сёйис сӧмын турун-вуж — 
И крыса — вуж.
Тшыгъялӧмла яйсьыс уси, лои слаб — 
И крыса слаб.
Коркӧ кевмигкості кулі, уси шняп — 
И крыса шняп.
Косӧд сёйӧд муын куйліс Даръя пӧч — 
И крыса тшӧтш.
Пӧчӧ сісьмыны эз вермы, лои кос — 
И крыса кос.
Эз и киссьы пӧчлӧн лысьӧм, лои дзонь — 
И крыса дзонь.
Дырӧн мощиӧ сідз пӧрис Даръя пӧч — 
И крыса тшӧтш.
Манакъяслы сэсся сюрис пӧчлӧн шой — 
И крыса шой.
Даръя пӧчӧн сэсся соді святӧй лыд...
Сӧмын крыса тшӧтштӧ раяд эз нин лыб.
А мыйла сідз?
Сійӧ тӧдмӧдӧмысь енмӧй видз!...

С. М.