КОЛӦ ВӦЧНЫ

«Югыд туй» газетын юнь тӧлысьын вӧлі гижӧма Айбабин ёртлӧн доклад. Сэні сійӧ висьталӧ му юкӧм йылысь. Ёна нимкодь сэтшӧм сёрниыд коми гӧль йӧзлы.

Миян Емдін вӧлӧсьтын му юкӧм эз вӧв нин 23 во. Неуна му ӧткодялӧм-рӧвняйтӧм эськӧ вӧлі, да сійӧ сӧмын ёнджыка посньӧдӧ миянлысь муястӧ. Босьтам менсьым муӧс. 5 морт вылӧ менам кӧдзсян му 1900 кв. сажень, ставыс разі-пели, 18 пельын 22 кв. саженьсянь 45-ӧдз.

Видзьясӧй дас пельын, ӧти видзсянь мӧдӧдз костыс 5 верстсянь дас витӧдз. Менам виддзысь усьӧ 10−25 пуд турун, мукӧдыс пуктыласны 80−100 пудйӧдз видз вывсьыс. Сэсся бара жӧ муясыс мукӧдлӧн 300−400 кв. сажень пасьта.

Татшӧм примертӧ уна позьӧ висьтавны. Му юкӧмыд зэв миянлы колӧ.

Нуждающӧй.