КУТШӦМ КЫВЙӦН СЁРНИТНЫ СОБРАННЬӦЯС ВЫЛЫН

Сыктывдінкарса садйын чукӧртлӧм собранньӧяс вылӧ унаысь волывлӧны кывзыны крестьяна. Собранньӧяс пыр мунӧны рочӧн (комиӧн ӧтчыд на эз вӧв). Крестьяна, роч кывтӧ гӧгӧрвотӧгыд, сӧмын бокын сулалӧны да чуймӧмаӧсь.

Собранньӧяс вылын пукалысьяс унджыкыс комиӧн гӧгӧрвоысь йӧз: Сыктывдінкарса служащӧйяс пӧвстын коминас дзикӧдз кужтӧмыс сӧмын 15%.

Код понда нӧ рочнас сёрнитны? Морт-мӧд комиӧн кужтӧм понда? А ми асьным сёрнитам деревняланьӧ банӧн сувтӧм йылысь, деревняӧс кыпӧдӧм йылысь, сыкӧд гӧгӧрвоана кывйӧн сёрнитӧм йылысь!

Колӧ ӧнісянь жӧ быдсяма собранньӧ быдлаын нуӧдны комиӧн, мед вермисны кывзыны да гӧгӧрвоны крестьяна.

Миян оз ков видзӧдны коми кыв гӧгӧрвотӧм морт-мӧд служащӧй вылӧ, колӧ бергӧдчыны коми крестьяналаньӧ.

С. М.