КРЕСТЬЯНАЛЫ ГЫРЫСЬ ШКОЛАӦ (ВУЗӦ) ТУЙ ВОСЬСА

Обисполком да Войтырӧс велӧдан юкӧд, уджалысь крестьянаӧс велӧдны тӧждысиг кузя, юалісны рочмувывса шӧрвывса исполком — уна-ӧ да кутшӧм гырысь школаясӧ сетӧма Коми обласьтувса уджалысь крестьяналы велӧдчан места. Ӧні Мӧскуасянь воис висьт:

Уджалысь крестьяналы гырысь школаӧ пырӧмысь абу некутшӧм пыкӧд (падмӧд); крестьяна (кодъяслӧн тырмӧ тӧдӧмыс вузын велӧданторъяссӧ гӧгӧрвоны) вермӧны пырны торъя командировкатӧг. Найӧ ыстӧны ВУЗ-ӧ, кытчӧ кӧсйӧны пырны, шыӧдчӧм (заявленньӧ), анкета да эскӧданпас вӧлӧсьтувса исполкомсяньыс. Документъяс ыстыссьӧны дай велӧдчынысӧ пырысьяс мунӧны вузӧ сійӧ жӧ кад кежлӧ, кутшӧм вӧлі индӧма «Югыд туй» газетын.

Тадзиӧн кындзи ещӧ мӧдӧдсьӧны велӧдчыны Обласьт. Отбор. Комиссия пыр торъя сетӧм местаяс вылӧ (Союзлы, Обонолы да мукӧдлы). Отбор. Комиссия нуӧдӧ сэтшӧм туй, медым вузӧ велӧдчыны вӧлі ыстӧма уджалысь крестьяна, найӧ вӧсна тӧждысьысьяс пӧвстысь да вежӧра войтыр.

Войтырӧс велӧдан юкӧдын заведуйтысь пыдди Тимушев.