ОТПУСКӦ

Шойччыны отпуск сетісны талы — 
Мӧдӧдчис сиктӧ служитысь морт.
Шондіа, гажа мулы и валы...
Мунны зэв долыд, матысмӧ горт.
Восьлалӧ беддя (абу ӧд барин)...
Служитіс бура, уджӧн эз коль.
Гортсалы гӧснеч ньӧбӧма карын — 
Воана гижӧд^Воана гижӧд — воана крестьяна удждысьӧм./^ куим-ӧ-нёль.
Мынтыны вотъяс деньга оз ковмы — 
Воана гижӧд сы вылӧ бур.
Сетасны-й прӧчент, нинӧмла повны,
Быд ӧти шайтысь — дас сизим ур.^Дас сизим ур — 5 коп./^
Бара жӧ, гашкӧ, топалан коркӧ — 
Кытчӧкӧ деньга ковмас кӧ тэд,
Кассаӧ сӧмын любӧйӧ ветлы — 
Воана гижӧд закладӧ сет.
Да-й лотерея мунігӧн воны
Быдӧнлы вермас веськавны пуд;
Колӧкӧ дас-сё веськалӧ сконӧ — 
Быдӧнлӧн овлӧ неуна шуд.