ВОЛЫСЬӦМ ДУГДӦМ ЙЫЛЫСЬ ПӦ ОГӦ НА КӦСЙӦЙ СЁРНИТНЫ

Ми пӧ сюся видзӧдам Сӧвет правительство удж вылӧ

Лондон. Палата общин заседанньӧ вылын Понсонби юаліс Чемберленлысь, сёрнитліс эз на пӧ англияса правительствоыс Сӧвет государствокӧд волысьӧмысь дугдӧм йылысь. Чемберлен сылы воча кыв видзис: волысьӧмысь дугдӧм йылысь пӧ англияса правительство некор на эз сёрнитлы дай ӧні оз на кӧсйы. Сӧмын пӧ англияса правительство сюся видзӧдӧ Сӧвет государство удж вылӧ.

Газетӧ пӧ ӧні гижлісны, быттьӧкӧ англияса правительство киын эмӧсь бумагаяс да юӧръяс, код серти позьӧ дугдыны волысьӧмысь Сӧвет правительствокӧд, сӧмын ме газетас тайӧ гижӧмсӧ пыдди ог пукты.