КИТАЙСА ЙӦЗ АСЬНЫС КЫПӦДЧИСНЫ КАПИТАЛИСТЪЯС ВЫЛӦ УВТЫРТӦМНЫС ВӦСНА, КАПИТАЛИСТЪЯС МИЯНӦС МЫЖДӦНЫ

Лондон. Палата общин заседанньӧ вылын Кенворти юаліс мукӧд государство кост удж нуӧдысь министрлысь (Чемберленлысь), мый серти кӧ пӧ позьӧ оз мыждыны Сӧвет правительствоӧс мукӧд государствоса капиталистъяс вылӧ китайса йӧзӧн кыпӧдчӧм вӧсна. Чемберлен воча кыв видзис: «Пекинын Сӧветса посол речьяс серти пӧ позьӧ нин аддзыны, кутшӧма Сӧвет правительствоыс отсалӧ кыпӧдчыны китайса йӧзӧс капиталистъяс вылӧ, кутшӧма кывзӧны Сӧвет правительстволысь кывъяссӧ китайса йӧз». Та кындзи пӧ эськӧ мукӧд мыжъяс на эмӧсь Сӧвет правительстволӧн, — шуӧ Чемберлен, — да висьтавлыныс пӧ ӧні оз на шогмы.