ОЗ НИН ЭСКЫНЫ

Юнь тӧлысьын 28-ӧд лунӧ Микул сиктын (Емдін уездын, Айкатыласянь 3 верст) чардби жугӧдіс часовня. Ен джаджъяссӧ сартасӧдз юкыштӧма. Сэсся Айкатылаын вичко пельӧссьыс кирпич дас кымын чуктӧдӧма.

Мӧд луннас Айкинаса поп крестьяналы висьтавлӧ: тайӧ пӧ енмыд скӧрмӧма да, лыйсьӧ. Кыдзи нӧ пӧ он лыйсьы. Молебентӧ пӧ сьывны кутан да, сӧмын 3−4 нывбаба волас. Унджык крестьяна поп кывъяс вылӧ сӧмын сералӧны. Ёгор Мить шуӧ: «Тыдалӧ, енмыд пӧрысьӧ-нэмӧ коммунистӧ гижсьӧма да лыйлӧ вичкоад».

Сьӧдъюр Паш.