КОЛӦ ОТСӦГ

Отйын няньысь пыр овлӧ дзескыд. Вӧлӧсьтын эм 500 кымын вӧвтӧм крестьяна. Тӧвбыд найӧ эз вермыны нинӧм нажӧвитны. Ӧні нажӧтка некутшӧм абу.

Вӧлӧсьтын таво кежлӧ оз тырмы 3450 пуд нянь. Неважӧн волисполком ыстыліс Обсоюзӧ мортӧс удждысьны, да сылы кӧсйӧмаӧсь сӧмын 150 пуд. Отсӧг кӧ оз ло, уна крестьяна овмӧс таво дзикӧдз разьсяс, лоас сэсся кыскыны во 10−15.

«Югыд туйын» вӧлі гижӧма, Котласӧ пӧ вайӧмаӧсь вель уна нянь миян обласьтлы. Обисполком кӧ вермас тшӧктыны вайны Отйӧ нянь страда кежлӧ, уна овмӧс мездас киссьӧмысь, уна йӧзӧс видзас тшыгъялӧмысь.

Козлов.