ВӦЧИСНЫ ТУЙ

Грива вӧлӧсьтлы таво кежлӧ сетісны вӧчны туй 19 верст кузя. Вӧлӧсьтса исполком кыкысь сёрнитіс та йылысь. Сэсся чукӧртіс крестьянаӧс. Крестьяна шуисны туйтӧ вӧчны.

Кӧсйысисны быд керкаысь сетны ӧти верстьӧ мортӧс дзонь лун кежлӧ туй вылын уджавны. Дерт эськӧ ӧткымын шуасьысьяс вӧліны, — кувтӧдзыд пӧ сэсся пыр лоас уджавны, ӧтчыдтӧ кӧ пӧ вӧчан; сӧмын крестьяна эз видзӧдлыны на вылӧ.

Сэсся комсомолечьяс кӧсйысисны субӧтник вӧчны.

Кӧсйысьӧм эз коль кӧсйысьӧмӧн.

Крестьяна да комсомолечьяс Грива вӧлӧсьтын петкӧдлісны ассьыныс бур вежӧрсӧ, вӧчисны туй.

Заврагса крестьяналӧн оз на тырмы вежӧрныс, оз тӧдны, кӧні бурыс. Сэні туйтӧ вӧчны джын йӧзыс дзикӧдз абу босьтчӧмаӧсь.

Яндысьыштӧй, заврагсаяс, видзӧдлӧй гривасаяс вылӧ!

Аддзылысь.