КООПЕРАЦИЯ ЛУН КУЗЯ ДА СӦВЕТ РЕСПУБЛИКАЯС СОЮЗ КОНСТИТУЦИЯ ЛӦСЬӦДӦМ КУЗЯ ЗАСЕДАННЬӦ

Мӧскуа. Юль нёльӧд лунын вӧлі заседанньӧ мӧскуаса коммунист партиялӧн профсоюзлӧн да кооперациялӧн. Заседанньӧсӧ вӧчисны ставмувывса кооперация лун кузя да Сӧвет республикаяс союз конституция лӧсьӧдӧмлы мӧд во тырӧм кузя. Чукӧртчысьяслы чолӧмбыттьӧ висьталіс Калинин ёрт. Калинин ёрт шуис: коммунист партиялӧн пӧ уджсӧ колӧ ёна паськӧдны да ёнмӧдны государствопытшса уджас. Медъёнасӧ пӧ нин колӧ кутчысьны уджавны кооперацияын.

Сэсся вӧчисны доклад СССР-са кооперация удж йылысь. Сійӧ доклад сертиыс тыдалӧ: каръясын кооперацияӧ пырӧмаӧсь рабочӧйяс да служащӧйяс пытшкысь 55% саяс. Оборотыс таво кооперацияыслӧн вӧлӧма кык миллион шайт саяс. Государственнӧй вузасьӧмын кооперация медводзын.

Собранньӧ ыстіс телеграмма капиталистъяскӧд водзсасьысь китайса йӧзлы.