«БУР ОБЪЕЗДЧИК»

Слӧбӧдаса (Емдін у.) гр-н Дубленников Педӧр Ст. 1924 воын вӧлі объездчикын. Во джын эськӧ сӧмын оліс объездчикас да, уна бур удитіс вӧчны аслас рӧднялы да тӧдсаяслы. Билеттӧг кер лэдзӧмысь протоколъяс вӧчалігӧн кер лыдсӧ пыр чинталіс. Сэсся мед налы этшаджык лоӧ мынтавны билеттӧг кер лэдзӧмысь, сійӧ протокол вылас вӧлі гижалӧ, быттьӧкӧ кералысьыс билетсӧ кер вылас ньӧблӧма да сӧмын унджык билетӧн босьтӧм дорсьыс кералӧма. Сійӧ уджъяссьыс крестьяналысь пыр вӧлі корӧ гӧститӧдыштны. Дубленников вӧлі тӧдӧ, мый сылӧн вокыс В. С. Дубленников лэптӧ керка билеттӧг лэдзӧм вӧрысь, да некодлы сы йылысь эз висьтавлы дай ачыс нинӧм эз вӧч. Тайӧ уджъяснас Дубленников крестьяналы вӧля сетіс билеттӧг вӧр жугӧдны да вӧр законъяс пановтавны. Сэсся тайӧ уджъяснас вайис убытка государстволы, падмӧдіс лӧсьӧдӧм удж вӧр удж нуӧдысь юкӧдлысь.

Став тайӧ бур уджъяссьыс Дубленниковӧс сетісны судӧ Уг. Зак. Чук. 105 статья серти. Юнь 29 лунӧ обласьтувса суд судитіс пукӧдны Дубленниковӧс квайт тӧлысь кежлӧ.