КӦНІ БАРА ЛЭБАЛӦ!

Проньдор сиктын (Емдін у.). Ӧти нывбаба судӧн перйӧ вӧлі челядьсӧ быдтӧм вылӧ челядь батьыслысь сьӧм. Народнӧй суд февраль тӧлысьын батьыслы судитіс мынтыны кык челядьлы шайтӧн-джынйӧн морт вылӧ тӧлысьӧн. Челядьыс вӧлі ӧтикыс 4 арӧса, мӧдыс 6 арӧса. Батьыс тайӧ делӧӧн мӧдӧдчис водзӧ, обласьтувса судӧ. Обласьтувса суд апрель тӧлысьын 6-ӧд лунӧ судитіс сы мында жӧ мынтыны челядь чужан лунсяньыс.

Сӧмын исполнитан листыс ӧнӧдз на эз во. Обласьтувса суд эськӧ ыстылӧма Емдін уездса народнӧй суддялы, дай народнӧй суддяыс ыстылӧма Проньдорса лыддьысян керкаын удж нуӧдысьлы Фроловлы, сӧмын мамыслы киас абу на волӧма. Кӧні нӧ исполнитан листыс?

Ас морт.