ДОССЕР ЁРТӦС СУДИТӦНЫ

Шанхайын юль коймӧд лунӧ заводитчис Доссер вылын суд. Суд вылас лыддисны англияса пӧличаӧн гижӧм бумага. Асьныс шуӧны, быттьӧкӧ пӧ сійӧ бумагаыс сюри Доссер ёрт книгаяс костысь. Сійӧ бумагаас гижӧма: «Асыввыв Китайса агитационнӧй отделенньӧ ыстӧ Доссер ёртӧс (партияса шлен билет № 493) Гонконгӧ да Кантонӧ лӧсьӧдавны забастовкаяс вӧчан комитетъяс. Став коммунист партия шленъяслы колӧ отсавны Доссер ёртлы нуӧдны сылы сетӧм уджсӧ. Тайӧ эскӧдсьӧ (удостоверяется) коммунист партия агитационнӧй отделенньӧса печатӧн». Тайӧ гижӧдсӧ лыддьӧм бӧртиыс пӧличаысь представительыс тшӧктӧ мыждыны чорыда Доссер ёртӧс. Суд лӧсьӧдіс видзны выль судӧдз Доссер ёртӧс тюрмаын.

Тайӧ выль мыждӧм сертиыс вермасны судитны Доссер ёртӧс дас во кежлӧ тюрмаын пукавны либӧ лыйлыны.