ПЕКНИЧА-ПАРАСКОВЬЯ АЛИ БОЛЬНИЧА?

Юнь 19-ӧд лунӧ, пекничаӧ Выльгортын (Сыктыв уездын) вӧлі Пекнича-Парасковья праздник. Сійӧ праздник кежлас Парасковья «бурдӧдчысь» дінӧ ваявлӧны быдсяма ногӧн висьысьясӧс бурдӧдавны. Быд матіа сиктъясысь локтӧны китӧмъяс-коктӧмъяс, мукӧд ногӧн висьысь йӧз. Локтасны, молебен сьылӧдасны. Сӧмын Пекнича-Парасковьяыд некодӧс оз бурдӧд. Коді кыдзи волас, сідзи и бӧр лоӧ мунны. Сӧмын тайӧн поп ёна «бурдӧ»: ӧти здука кості босьтас шайт 20−30.

Став еннога йӧзыс Пекнича-Парасковья ордын «бурдӧдчӧм» бӧрти локтӧны Сыктывдінкарса больничаӧ лекарствоясла.

Нокӧ, кодыс висьӧмъясысь збыльысьсӧ бурдӧдӧ: Пекнича-Парасковья али больнича? Ме ногӧн кӧ тай, Пекнича-Парасковьяыд бурдӧдӧм пыдди сӧмын зептад кучкӧ-а!

Профкор.