КОЛӦ ТӦДМАВНЫ

Юнь 7-ӧд лунӧ Карвуджӧмса сиктын (Сыктыв у.) вӧлі Троица праздник. Гриваса кооперативысь приказчикыс некод тшӧктытӧг мунӧма сэтчӧ тӧварӧн вузасьны да быд тӧвар вылӧ донсӧ зэв ёна лэптӧма. Да ӧд ещӧ быд мортлы торъя дон: мукӧдыслы сетас донтӧгджык, мукӧдыслы донсӧ зэв вылӧ лэптас. Крестьяна юасьӧм вылӧ шуӧма — ревизионнӧй комиссия пӧ тшӧктіс лэптынысӧ донсӧ туй рӧскодсӧ вештӧм вылӧ (туйыс сизим верст). Тӧвар барышыс ставыс аслас зептас пырис.

Прӧста ӧд оз кӧсйы лэптыны выль керка да вевттьыны кӧртӧн.

Колӧ тӧдмавны бурджыка приказчиклысь уджалӧмсӧ.

Вугыр.