ТАВОСЯ НЯНЬ КРЕСТЬЯНАЛЫСЬ НЬӦБӦМ ЙЫЛЫСЬ ДА НАЛЫ ТӦВАР СЕТӦМ ЙЫЛЫСЬ

Мӧскуа. Государство пытшкӧс вузасян комиссариат бердын (Наркомвнуторг) воссис государство пытшкӧсса вузасьысь юкӧдъясысь да нянь чукӧртысь организацияясысь представительяслӧн Ставсоюзса сӧвещанньӧ. Медъёнасӧ сійӧ сӧвещанньӧ вылас кӧсйӧны сёрнитны таво урожай бӧрын нянь крестьяналысь ньӧбӧм йылысь. Сӧвещанньӧсӧ восьтіс государство пытшкӧсса вузасян комиссариатын юралысьыс Шейнман ёрт. Сы бӧрын чолӧмбыттьӧ сӧвещанньӧлы висьталіс Цюрупа ёрт. Цюрупа ёрт шуис, став крестьяналысь ньӧбӧмторъяс вылӧ пӧ колӧ сиктъясӧ крестьяналы вайны сы мында жӧ тӧвар пабрик-заводъясысь. Сӧмын колӧ вайны медъёна колан тӧвар: видз-му уджалан, новлан да сёян. Сэсся водзӧ ёна колӧ мӧвпыштны дон йылысь. Миянлы колӧ зільны ӧткодявныджык (сравнять) крестьяна тӧварсӧ да пабрик-заводса тӧварсӧ. Мед крестьяна асланыс да пабрик-заводса тӧварӧн вежсьӧм бӧрын аддзисны, мый «сиктланьӧ чужӧмӧн бергӧдчӧм» абу сӧмын кывъяс, мый ми збыльысь сідзи уджалам.