БАРА ӦТИ ЫЛӦДЧЫСЬӦН ЭТШАДЖЫК

Йӧзӧс ылӧдлысьяс, «аллилуйя» сьылӧм вылын олысьяс, абутӧм адӧн повзьӧдлысьяс, абутӧм райӧ лэптысьяс лунысь лунӧ чинӧны. Ӧні редакцияӧ воис Койгортса саломщик Яков Костинсянь шыӧдчӧм. Сійӧ гижӧ:

«Нёль во служитӧм бӧрын 1924 воӧ юнь тӧлысьын ме чӧвтчи саломщикалӧмысь. Ме гӧль крестьяна пӧвстысь, чайта бурджыкӧн служитны Сӧвет республикалы. Кора Коммунист партияӧс сетны меным гражданскӧй права, медым ме верми служитны бур вылӧ уджалысь йӧзлы».

Татшӧм чӧвтчысьясыс республика пасьта ӧні зэв уна. Коми обласьтын тшӧтш пыр ӧтарӧ содӧ. Налы эскысьясыд чинны кутісны... Асьныс висьтавлыны кутісны ылӧдчӧмсӧ-сӧрӧмсӧ.

Максим.