КЫДЗИ ОЛАМ ЛАГЕРЫН

Таво лагерӧ вӧрзьӧдчим май тӧлысьын 7 лунӧ. Сэтчӧ воигкежлӧ лӧсьӧдӧма нин вӧлі оланіннымӧс. Зэв ылісянь тыдалӧ быттьӧ еджыд дӧраа кар, зэвтӧмаӧсь палаткаяс да, долыд сэні овны.

Луннас велӧдчам уджавны: туйяс, посъяс вӧчалам, окопъяс кодъялам, мукӧдтор. Сэсся велӧдчам, кыдзи колӧ воюйтны, мед дасьӧсь вӧлім паныд мунны мукӧд государствоса капиталистъяс вылӧ, кор найӧ уськӧдчасны миян вылӧ.

Лагерын лун-лун кӧнкӧ да кӧнкӧ кылӧ сьылӧм армеечьяслӧн. Чукӧрын зэв гажа.

Медмусаторъяс лагерын — Ленинскӧй палатка. Сійӧс ми медъёна мичмӧдам, вӧчӧдам, прӧст кадъясӧ пыр мунам сэтчӧ. Сэні ми лыддям газетъяс, журналъяс. Рытъясын кызыс велӧдчӧны кутшӧмкӧ да кутшӧмкӧ кружокын. Луныс, он и тӧдлы, кольӧ.

Гӧрдармееч XІ сапбатысь Ливсон.