КОМИ КРЕСТЬЯНА МУНІСНЫ КУРОРТЪЯС ВЫЛӦ

Юнь 23-ӧд лунӧ Сыктывдінкарсянь 8 морт крестьяна пиысь мунісны лунвылӧ, шоныдінӧ бурдӧдчыны: кымынкӧ Ливадияӧ (Крымын), ӧткымын Кисловодскӧ, Пятигорскӧ, мукӧдлаӧ. Тайӧ чукӧрас эз веськавны Ижмо-Печорскӧй уездса крестьянаяс ылысысла. Сы вӧсна бӧръя мӧдӧдӧмас мукӧд уездъяс дорысь унджык крестьянаӧс ыстасны Ижмо-Печорскӧй уездысь. Мӧдӧдӧны крестьянаӧс уна пӧлӧс висьӧмъясысь: чакоткаысь, ревматизмысь, мукӧд висьӧмысь.

Войдӧр крестьяна та йылысь эз и лысьтлыны мӧвпыштны. Курортъяс вылӧ ветлісны сӧмын зэв озыр йӧз. Ӧні сэтчӧ Сӧвет власьт ысталӧ бурдӧдчыны рабочӧйясӧс да крестьянаӧс.

Дзоньвидзалун кутан юкӧд.