ПОЛЬШАЫН УНА УДЖТӦМ РАБОЧӦЙ

Пӧлича виаліс митингвывса рабочӧйясӧс

ВАРШАВА (Польшаын). Рабочӧйясӧс пабрик-заводъяс вылысь ёна вӧтлалӧны. Львов карын ӧні лои вывті уна уджтӧм рабочӧй. Сы вӧсна став львовса рабочӧйясыс вӧчлісны забастовка. Забастовкаыс муніс куим час. Сэсся площадь вылас вӧчисны митинг. Митинг вылас рабочӧйяс лӧсьӧдісны уджтӧм рабочӧйяслы корны удж. Бӧрйӧм делегация демонстрациявывса йӧзыскӧд мӧдӧдчисны воевода дінас рабочӧйяслысь корӧмсӧ висьтавны. Туй вылас рабочӧйястӧ паныдалісны вӧла да пода пӧлича да заводитісны разӧдны йӧзсӧ ружйӧ прикладъяснас да шашкаяснас кучкалігтырйи. Виисны 20 рабочӧйӧс, зэв уна рабочӧйӧс ранитісны.