РЫКОВ ЁРТ ФИНАНССА УДЖАЛЫСЬЯС МОГЪЯС ЙЫЛЫСЬ

Мӧскуа. Юнь 22-ӧд лунӧ воссис Ставсоюзса сӧвещанньӧ финансса (сьӧм кузя) уджалысьяслӧн. Сэні кыв висьталіс Рыков ёрт. Сійӧ шуис: миян овмӧсным воддза серти ёна кыптіс. Таво виччысям шӧркоддьӧм урожай. Тайӧяс вӧсна правительстволы тайӧ воӧ позьӧ чинтыны налогъяс, медвойдӧр чинтыны крестьянасянь босьтан налогъяссӧ. Локтан воясӧ сельхозналог колӧ босьтны зэв этшаник. Медъёнасӧ финансса уджалысьяслы колӧ видзӧдны, медым оз вежлась вӧлі нянь дон. Колӧ зільны, медым крестьяналы няньнысӧ вузалігӧн воас ыджыдджык выгӧдаяс. Финансса уджалысьяслы колӧ уджавны сідзи, медым крестьяна на вылӧ видзӧдісны кыдзи власьтӧн пуктӧм йӧз вылӧ, кодъяс зільӧны кыпӧдны йӧзлысь овмӧссӧ, кодъяс видзӧны бура чукӧрмӧм озырлунсӧ миянлысь. Ми ӧні овмӧсӧн воны кутім войнаӧдз дырся овмӧсӧ. Миянлӧн мог — водзӧ сыысь тувччыны.