ВИДЗ-МУ КОМИССАРИАТ СЕТАС 12 МИЛЛИОН ПУД КӦЙДЫС

Мӧскуа. Арся кӧдзаяс таво тшыкины миллион да джын десятина гӧгӧр му вывъясын. Сы вӧсна Россияса Сӧвет Республикалӧн Видз-му Комиссариат шуӧ отсавны локтан арын крестьяналы, кӧнъясын тшыкины арся кӧдзаясыс, арын кӧдзсян кӧйдысӧн. Ставсӧ кӧйдыссӧ шуӧ сетны 12 миллион да джын пуд. Сэсся Видз-му Комиссариат корӧ выліджык удж нуӧданінъяслысь, медым найӧ лэдзасны нюжӧдлыны 1926 вося арӧдз нянь вотӧминъясса крестьяналы сетлӧм кӧйдысъяс босьтӧмсӧ.